Aksident i rëndë në rrugën Malishevë-Rahovec, një i vdekur

Një aksident i rëndë trafiku ka ndodhur mëngjesin e sotëm në rrugën Malishevë – Rahovec.

Nga ky aksident një person ka ndërruar jetë.

Këtë e ka konfirmuar Albin Sahatqija, shef i trafikut rajonal në Gjakovë.

“Një aksident trafiku ka ndodhur sot në orën 06:30 në rrugën Malishevë – Rahovec në mes një automjeti dhe kamioni. Deri te aksidenti ka ardhë si pasojë e mos përshtatjes së drejtuesit së automjetit dhe si pasojë ky i fundit ka ndërruar jetë, i cili dyshohet edhe që është shkaktar i aksidentit. Viktima e ka humb kontrollin dhe është përplas me kamion”.

Sipas Sahatqijut vetëm ngasësi i veturës është i vdekur dhe nuk ka të tjerë të lënduar.